Шуурхай мэдээ
Home / Мэдээ, мэдээлэл / Нээлттэй хаалганы өдөр зохион байгууллаа.

Нээлттэй хаалганы өдөр зохион байгууллаа.

Монгол Улсын Засгийн газрын “Ил тод байдлыг илтгэх шалгуур үзүүлэлт батлах тухай” 143 дугаар тогтоол, Хууль зүйн сайдын 2012 оны  9 дүгээр сарын 15-ны өдрийн “Хууль зүйн салбарын нээлттэй бодлогын баримт бичиг батлах тухай” А/15 дугаар тушаалуулыг үндэслэн, Шүүхийн шийдвэр гүйцэтгэх байгууллагын ажилтны өдрийг тохиолдуулан ангийн үйл ажиллагааг олон нийтэд сурталчилах зорилгоор “Нээлттэй хаалганы өдөр”-ийг 2018 оны 08 дугаар сарын 29-ний өдөр 11:00-15:00 цагийн хооронд дүүргийн Д.Нацагдоржийн нэрэмжит талбайд зохион байгууллаа.

“Нээлттэй хаалганы өдөр”-ийн арга хэмжээнд дүүрэгт үйл ажиллагаа явуулдаг хуулийн байгууллагуудын удирдлагууд болох Багануур дүүргийн прокурорын газрын ерөнхий прокурор, хууль цаазын шадар зөвлөх Б.Пүрэвжав, Шүүхийн шийдвэр гүйцэтгэх ажиллагааны хяналтын прокурор, хууль цаазын дэд зөвлөх Н.Ихбаяр, Цагдаагийн хэлтсийн дарга, цагдаагийн дэд хурандаа Л.Ариунбат, Хилийн 0252 дугаар ангийн захирагч,хурандаа Х.Хатанбаатар нарыг тус тус урин оролцуулж, ангийн үйл ажиллагаа, хоригдол бусадтай уулзах, харилцах, нээлттэй дэглэмд ял эдэлж байгаа хоригдолд чөлөө олгох, хоригдлын дунд явуулж буй нийгэмшүүлэх ажлын талаар болон хоригдлын амьдрах орчин нөхцөл, ахуй хангалт, хөдөлмөр, түүний нөхцөл, үйлдвэрлэж байгаа бүтээгдэхүүн, харуул хамгаалалтад хэрэглэгдэж байгаа агсамж, тусгай хэрэгсэл, иргэний болон эрүүгийн хэргийн талаар гарсан шүүхийн шийдвэр гүйцэтгэх ажиллагаа, төлбөр төлөгч, хүүхдийн тэтгэлэг, хорихоос өөр төрлийн ял эдлүүлэх болон цагдан хорих үйл ажиллагааны талаарх мэдээллийг олон нийтэд хүргэсэн.

Дээрх үйл ажиллагаагаар алба хаагчид иргэдэд байгууллагын үйл ажиллагааны талаар танилцуулан, санал асуулга авч, 10 төрлийн гарын авлага, танилцуулах материалыг тараан, эмнэлгийн тусламж үйлчилгээ үзүүлэх хэсэг иргэдэд эрүүл мэндийн үйлчилгээ үзүүлж, иргэний шийдвэр гүйцэтгэлийн талаар зөвлөгөө мэдээлэл, өр төлбөргүй талаарх лавлагаа гарган өгч, “Багануур тоосго” ТӨААТҮГ-ын үйлдвэрлэсэн гар урлалын бүтээгдэхүүн болон шинэ ногооны үзэсгэлэн  худалдаа зохион байгууллаа.AAA_2539 AAA_2553 AAA_2557 AAA_2566

Leave a Reply

Your email address will not be published.

Scroll To Top